partekatu
• NAHIA ZUDAIRE
Harrera herrikoia Nahia Zudaireri
Nahia Zudaire, senide, lagun eta Buruntzaldea IKT Elkartearen kide batzuekin batera, ostiral arratsaldean iritsi zen Lasarte-Oriara Tokioko Joko Paralinpikoetan lortutako diploma olinpikoengatik merezitako omenaldia jasotzera.
Agustín Valdivia alkatea udalbatzako kideekin batera, zain izan zuen udaletxe zaharreko sarreran, eta han egin zioten harrera Nahiari, Erketz Dantza Taldeak eskainitako agur-dantzarekin.
Dantzarien jardunaldiaren ondoren, batzar-aretoan omenaldia egin zion Udalak, eta oroigarrizko zapia eta lore-sorta eman zizkion.
Agustin Valdiviak igerilari gazte honek lortutako lorpenak azpimarratu nahi izan zituen, etorkizun oparoa espero baitzuen, ziur aski jasoko zuen azken omenaldia izango ez zena.
"Nahia… gainditzearen adibide argia zara. Nahi denean, lantzen denean, ahalegintzen denean... urrunago irits daitekearen ebidentzia. Lortu duzuna ez zaizu zerutik erori, besakadaz besakada irabazi duzu, ostikoz ostiko. Parisen hiru urte barru zu berriz ikusteko ametsa bete ahal izatea espero dugu, zure benetako hitzordua." esan zuen Valdiviak.
Nahia, bestalde, oso eskertuta agertu zen omenaldiagatik, eta eskerrak eman nahi izan zizkien hasieratik berarekin egon ziren pertsona guztiei eta IKT Buruntzaldea Klubari.
Batzar-aretoan omenaldia jaso ondoren, Nahia Zudaire Udaletxeko balkoira irten zen, Okendo aldera, eta eskertu egin zituen jasotako babesa eta maitasun-erakustaldiak.
