partekatu
• EMAKUMEEN ZENTROA
Emakumeen Zentroko ikastaro berriak eta Ahalduntzeko Eskola aurkeztu dituzte
Emakumeen Zentroak antolatzen dituen ikastaroetan eta ahalduntzeko eskolan izena emateko epea ireki da. Izena emateko epea irailaren 7tik 15era da.
Agustin Valdivia alkateak, Lourdes Acevedo berdintasuneko zinegotziarekin eta Maite Iglesias berdintasuneko teknikariarekin batera, emakumeen zentroko ikastaroak aurkeztu ditu.
Valdiviak nabarmendu du ikastetxeko ohiko ikastaroekin datorren lauhilekoan hirugarrenez hasiko dela ahalduntzeko eskola, eta gero eta arrakasta handiagoa duela jarduera horrek eta hazten jarraitzea nahi duela.
Maite Iglesias berdintasuneko teknikariak jakinarazi zuen ahalduntzeko eskolaren datuak onak direla eta gero eta emakume gehiagok ematen dutela izena. Ikastaroei dagokienez, erabiltzaileen eskaeren arabera, ikastaro batzuk errepikatu egingo dira eta beste batzuk berriak dira.
Ahalduntzeko eskolatik, emakumeen ahalduntzea sustatzea da ardatz nagusia, ikuspegi feminista batetik, eta, horretarako, hainbat ikastaro daude, udalerrian dauden emakumeen dibertsitatera iristea helburu dutenak, eskaintza zabala eta askotarikoa izanik.
Iglesiasek adierazi zuen bi ikastaro-modalitate daudela: doakoak eta ordainpekoak. Doakoen bidez, ahalik eta emakume gehienek Emakumeen Zentroan sartzeko eta parte hartzeko aukera izatea lortu nahi da. Ordainpekoek lau hilean behingo prezioa dute, oso modu onean.
Lasarte-Orian erroldatuta nahiz erroldatu gabe dauden pertsonek eman dezakete izena, baina lehentasuna dute erroldatutakoek.
Izena eman duten pertsonak plazak baino gehiago diren ikastaroen kasuan, zozketa publiko bat egingo da irailaren 18an, 12:00etan, zentroan bertan.
Inskripzioa bi modutan egin daiteke:
- Aurrez aurre: Emakumeen Zentroan, 9:30 - 13:00 / 15:30 - 19:30 ordutegian.
- Online: Udalaren www.lasarte-oria.eus webgunean (Udal-tramiteak / Zerbitzu Sozialak / Emakumeen Zentroa).
Lourdes Acevedo berdintasuneko zinegotziak adierazi zuen ikastaroak emakumeak zentrora erakartzeko bitarteko bat direla. Haietako askok lehen baino beta gehiago dute zaintzaile-zereginaren parte bat uzten dutenean. Jarduera horien bidez, emakume horiek mugimendu feministara eta balioetan oinarritutako prestakuntzara hurbildu nahi dira. Ezagutzak eta esperientziak partekatzea edo norbera organizatzea sustatzen da. Acevedok Emakumeen Zentroko langileen lan garrantzitsua nabarmendu zuen.
Hauek dira ikastaroak eta Lasarte-Orian erroldatutako pertsonentzat dituzten prezioak:
OHIKO IKASTAROAK
- Gorputza entzuten eta sentitzen ikasiz (dohainik)
- Jantzi-konponketak eta patroiak (dohainik)
- Bitxien tailerra (dohainik)
- Eskulanak (51 €)
- Kantua (dohainik)
- Egunerokotasunerako psikologia (dohainik)
- Ehoziriak (43,96 €)
- Tai-xia (21,98 €)
- Batuka (dohainik)
- Hipopresiboak (44,55 €)
- Zaindu zeure gorputza (dohainik)
- Yoga (38,25 €)
EMAKUMEENTZAKO AHALDUNTZE-ESKOLA
- Antzerkia (51,00 €)
- Biodantza. Dantza (ezazu) indarra (38,25 €)
- Zugandik. Sormen artistiko eta terapeutikoko argazki-tailerra (dohainik)
- Dantza organikoa
- Emakume migratuen topagunea (dohainik)
- Indarkeriarik gabeko guneak (dohainik)
- Eskola feminista (dohainik)
- Empoder-arte (dohainik)
Informazio gehiagorako
- Telefonoa: 943 36 39 58
- Web: www.lasarte-oria.eus
- Email: emakumezentroa@lasarte-oria.eus
- Helbidea: Aralar Plaza 5.
