partekatu
• ENERGIA-ERAGINKORTASUNA
Energia-eraginkortasuna hobetzeko laguntza berria
Udalak 43-000 euro bideratuko ditu etxebizitzetan eraginkortasun energetikoa hometzeko lanak egiteko.
Udalak 43.000 euroko laguntza lerro berri bat iragarri du herriko etxebizitzetan eraginkortasun energetikoa hobetzeko. Dirulaguntza horien helburua da jabeen erkidegoetan eta etxebizitza partikularretan berokuntza eta ur beroko sistemak hobetzea, energia berriztagarrien erabilera eta energia-kontsumoa murrizteko azpiegiturak modernizatzea sustatuz.
Agustin Valdivia alkatearen eta Ingurumen Arloko arduradunaren hitzetan, "Laguntzek bi jarduera-ildo nagusi dituzte. Alde batetik, Jabeen Erkidegoek 6.000 €-rainoko dirulaguntzak eskatu ahal izango dituzte eguzki-energia termikoaren bidez ur bero sanitarioko sistemak (UBS) instalatzeko edo biomasa-galdarak edo beste energia berriztagarri batzuk dituzten berokuntzako eta UBSko sistema zentralizatuak instalatzeko, betiere kontsumoaren banakako kontrol-sistemak barne hartzen badituzte.
Bestalde, etxebizitza partikularren jabeek 400 eurorainoko laguntzak eskatu ahal izango dituzte banakako galdaren ordez errendimendu handiko gas naturalaren galdarak jartzeko. Era berean, 1.200 €-rainoko dirulaguntza jaso ahal izango dute leihoak eta kanpoko ateak berritzeko, betiere hobekuntza horiek etxeko energia-eraginkortasunari laguntzen badiote. "
Laguntza hauen onuradun izan daitezkeen obrak 2023ko azaroaren 1etik 2024ko urriaren 31ra bitartean amaitu beharko dira. Eskabideak aurkezteko epea 2024ko azaroaren 20ra arte egongo da zabalik.
Jasangarritasunarekoko eta energia aurreztearekoko konpromisoa
Ekimen honekin, Udalak iraunkortasunarekin eta ingurumenarekiko errespetuarekin duen konpromisoa berresten du, trantsizio energetikoa bultzatzen duten politikak sustatuz. Klima aldaketari aurre egiteko energia-eraginkortasuna funtsezkoa den testuinguru global batean, laguntzen deialdi honen helburua da tokiko karbono-aztarna murriztea eta, aldi berean, herritarren bizi-kalitatea hobetzea, faktura energetikoak murriztuz. Dirulaguntza horiek, nazioarteko erakunde nagusien jasangarritasun-helburuekin bat datozenak, garapen-eredu orekatuago eta arduratsuago baterantz aurrera egiteko tresna dira, energia berriztagarrien erabilera indartuz eta etxeen eta komunitateen ingurumen-inpaktua murriztuz.
Laguntzen bateragarritasuna eta banaketa
Dirulaguntzak bateragarriak izango dira Administrazio Publikoen beste laguntza batzuekin, betiere emandako guztizkoak obren benetako kostuaren % 100 gainditzen ez badu. Gainera, igogailuak jartzeko partidaren bat agortzen ez bada, soberakina efizientzia energetikorako laguntzak handitzeko erabiliko da, deialdi berri bat ireki beharrik gabe.
Etorkizun eraginkorragoa eta berdeagoa
Amaitzeko, alkateak honako hau azpimarratu nahi izan zuen: "Udalak etorkizun eraginkorrago eta jasangarriago baten aldeko apustua egiten jarraitzen du, modu aktiboan lan eginez baliabide naturalen kontserbazioa, emisioen murrizketa eta teknologia garbien erabilera erraztuko duten politikak ezartzeko. Ekintza horiek ingurumena babestea ez ezik, etorkizuneko energia-erronken aurrean herritarren ongizatea hobetzea ere bilatzen duen estrategia global baten parte dira. "
