partekatu
• KULTURA
Hiru urterako hitzarmena sinatu dute Udalaren eta Kukukaren artean
Agustín Valdivia alkateak eta Miren Kontxu Iartza Lasarte-Oriako Udalaren eta Kukuka Lasarte-Oriako Antzerki eta Dantza Taldearen arteko hitzarmen bat sinatu dute hiru urterako. Hitzarmenak 3.940 euro engaiatzen ditu 2021erako.
Hitzarmenak ezartzen duenez, udalak hiru urteetan emango dituen kopuruak hauek dira: 3.940 euro 2021erako, 3.995 euro 2022rako eta 4.051 euro 2023rako. Aipatutako erakunde horrek aurkeztutako gastu-aurrekontu orokorra 50.261,39 €koa da.
Era berean, jabari publiko edo munizipaleko guneak proba-saio eta emanaldietarako dohainik uztera konprometitzen da Udala.
Kukuka Lasarte-Oriako Antzerki eta Dantza Taldea, berriz hainbat modalitatetako antzerki- eta dantza-eskolak emateko konpromisoa hartzen du, bai eta antzerki- eta dantza-emanaldiak, prestakuntza-tailerrak eta hainbat jarduera egiteko ere, Emakumeen Egunean, Dantzaren Nazioarteko Egunean eta Antzerkiaren Nazioarteko Egunean.
Hitzarmen honen helburua udalerriko bizilagun-komunitateak dituen premiak edo interesak asetzen lagunduko duten interes publikoko jarduerak sustatzea eta babestea da, eta bereziki, antzerki interpretazioaren mantenua bermatu nahi du, batez ere Lasarte-Orian antzerkia eta dantzaren zabalkundeari eta sustapenari kasu eginez.
Iturria: Lasarte-Oriako Udala
