PSE-EE PSOE Socialistas Vascos

Lasarte-Oria prest dago Lasarte-Oria Bai! Herri Krosaren edizio berri baterako. Ostadar S.K.T.k antolatutako kirol hitzorduaren 29. edizioa urriaren 25ean, igandean, egingo da. Aurten ere Lasarte-Oriako Udalaren babesa izango du, Tratu On Bat egitasmoaren bidez, baita herriko enpresa, saltoki eta elkarteena ere.

Lasarte-Oriak AROA 2026-2030 onartu du, euskara indarberritzeko plangintza berria. Osoko bilkurak onartutako planak bost lan-ardatzetan antolatutako 28 ekintza jasotzen ditu eta udalaren hizkuntza-politikaren plangintza ezartzen du 2030era arte.

Urriaren 18an ospatuko da Buruntzaldeako Ibilbideen Egunaren 18. edizioa. Ekimenak bost ibilbide eskainiko ditu Andoain, Lasarte-Oria, Urnieta eta Usurbil artean, eskualdeko natura-inguruneaz oinez edo bizikletaz gozatzeko.

Zurlanketa-erakusketa berria izango da Lasarte-Orian, herriko Zurmailu taldearen eskutik. Zurmailu Zurlan Taldeak urriaren 9tik 16ra bitartean erakutsiko ditu bere lanak Antonio Mercero aretoan. Inaugurazio ofiziala ostiral honetan, urriak 9, izango da, arratsaldeko 18:00etan, herritar guztiei zabaldutako ekitaldi batean.

Lasarte-Oriak bat egin du Beldur Barik programarekin, gazteen artean berdintasunezko eta indarkeria matxistarik gabeko harremanak sustatzen jarraitzeko. Beldur Barik programaren baitan —gazteei zuzendutako indarkeria matxistaren prebentzio eta sentsibilizaziorako programa—, Lasarte-Oriak 10 eta 20 urte bitarteko gazteei zuzendutako tokiko lehiaketa antolatu du