PSE-EE PSOE Socialistas Vascos

Agustin Valdivia alkateak, Lourdes Acevedo Zerbitzu Sozialetako zinegotziarekin eta Maite Iglesias eta Irati Olaetxea berdintasun-teknikariekin batera, emakumeen zentroko ikastaroak aurkeztu ditu.

Aurten ere ohiko ikastaroak izango dira, eta, berrikuntza gisa, emakumeentzako ahalduntze-eskolako ikastaro berriak.

“Zentro honetan lanean jarraitzen dugu emakumeek topaleku bat izan dezaten beren ahalduntzea garatu ahal izateko, horretarako sortu da eskola berri hau”, esaten zuen Valdiviak.

Ahalduntze-eskolatik, emakumeen ahalduntzea sustatzea da ardatz nagusia, ikuspegi feminista batetik, eta, horretarako, hainbat ikastaro daude, udalerrian dauden emakumeen dibertsitatera iristea helburu dutenak, eskaintza zabala eta askotarikoa izanik.

Lasarte-Orian erroldatuta nahiz erroldatu gabe dauden pertsonek eman dezakete izena, baina lehentasuna dute erroldatutakoek.

Ikastaro batean izena emandako pertsonak benetan dauden plazak baino gehiago badira, zozketa bat egingo da otsailaren 17an.

Inskripzioa bi modutan egin daiteke:

• Aurrez aurre: Emakumeen Zentroan, 9:30-13:00 / 15:30-19:30 ordutegian.
• Online: Udalaren webgunean www.lasarte-oria.eus (Udal tramiteak/Gizarte zerbitzuak/Emakumearen zentroa).

Hauek dira ikastaroak eta Lasarte-Orian erroldatutako pertsonentzat dituzten prezioak:

OHIKO IKASTAROAK

• Gorputza entzuten eta sentitzen ikasiz (dohainik)
• Jantzi-konponketak eta patroiak (dohainik)
• Bitxiak (dohainik)
• Eskulanak (51 €)
• Kantua (dohainik)
• Egunerokotasunerako psikologia (dohainik)
• Ehoziriak (43,96 €)
• Tai-xia (21,98 €)
• Batuka (dohainik)
• Hipopresiboak (44,55 €)
• Zaindu zeure gorputza (dohainik)
• Yoga (38,25 €)

EMAKUMEENTZAKO AHALDUNTZE ESKOLA

• Antzerkia (51,00 €)
• Biodantza. Dantzatu (ezazu) indarra (38,25 €)
• Sormen artistiko eta terapeutikoko argazki-tailerra (10 €)
• Gorputz-kontzientziatik mugimendu askera (10 €)
• Emakume migratuen topagunea (dohainik)
• Indarkeriarik gabeko gune askeak (dohainik)
• Eskola feminista (dohainik)