partekatu
• INDARKERIA MATXISTA
Lasarte-Orian elkarretaratzea egin da indarkeria matxistaren aurka
Azaroak 25, Genero Indarkeriaren aurkako Eguna dela eta, Udalak kontzentrazio batera deitu du indarkeria matxistaren biktima izan diren emakumeak gogoan, gaitz sozial hau salatzeko.
Azaroak 25, Genero Indarkeriaren aurkako Egunaren harira, Udalak antolatutako ekitaldien artean, kontzentrazio batera deitu du Okendo plazako elkarretaratzean.
Indarkeria matxistari buruzko datuek ez dute itxaropenera gonbidatzen. Izan ere, Ertzaintzak emandako informazioaren arabera, hautemandako kasuek gora egin dute, eta oso kezkagarria da genero-indarkeriaren biktima diren emakumeen indize altua.
GENERO-INDARKERIA
Aurten (azaroaren 17ra arte) Lasarte-Orian honako hauek izan dira:
- Genero-indarkeriako 31 atestatu
- 31 atestatuetatik 12k salaketa aurkeztu dute.
- Urruntzeko 9 agindu eman dira.
- Une honetan 37 urruntze-agindu daude jardunean.
- Genero-indarkeriako 102 espediente daude aktibo.
ETXEKO INDARKERIA
Aurten (azaroaren 17ra arte) Lasarte-Orian honako hauek izan dira:
- 11 atestatu, etxeko indarkeriagatik.
- 11 atestatuetatik 6k salaketa aurkeztu dute (4 gurasoek, 1 erasotzailearen amaren egungo bikotekideak, 1 semeak).
- 3 babes-agindu eman dira.
- 9 babes-agindu aktibo daude.
- Etxeko indarkeriaren 46 espediente daude zabalik.
Iturria: Lasarte-Oriako Udala
