partekatu
• MENDI-LASTERKETA
LOTME kirol-klubaren mendi-lasterketaren 2. edizioa
LOTME Kirol Klubak Lasarte-Oriako Udalarekin elkarlanean antolatuta,, mendi-lasterketaren 2. edizioa irailaren 29ko igandean izango da.
Lasterketaren aurkezpena LOTME kirol-klubeko Javi Olazagoitiak egin zuen, elkarteko hainbat kiderekin eta Agustín Valdivia alkatearekin eta Nuria Fernández sozioekonomiako zinegotziarekin batera.
Aurtengo edizioa, gainera, oso berezia da, joan den uztailean Juan Luis de la Mata "Juanlu" elkarteko bazkide eta fundatzailea hil baitzen. Horregatik, proba honek Mendi Lasterketa – Juanlu Memoriala izena izango du.
Berrikuntza gisa, Buruntzako gailurrean ez da azkarrena sarituko. Horren ordez, 100 euroko saria emango zaie, gizonezkoen nahiz emakumezkoen kategorian, aurreko edizioko errekorra hausten dutenei. Irabazlerik ez balego, hurrengo ediziorako zaku gisa gordeko litzateke.
Olazagoitiak aitortu zuen Juanluren omenezko proba prestatzea oso zaila eta gogorra izan dela elkarte osoarentzat. Jendea animatzea espero dute, 200 inskripziora iritsi ahal izateko, nahiz eta muga 300 diren.
Probak 14,5 kilometroko distantzia eta 780 metroko desnibel positiboa ditu. Eta ekitaldiaren helburua mendiko kirola sustatzea da, Lasarte-Oria inguratzen duen espazio naturala ezagutaraztea (Benedika, Azkorteko ermita, Buruntza...) eta herriko bizitza soziala eta komertziala dinamizatzea.
Izen-emateak irailaren 26ra arte egin ahalko dira webgune honetan: https://www.lasarteoriatrail.com
Sozioekonomiako departamentuak elkartearekin sinatutako hitzarmenaren bidez kolaboratzen du, 2.000 euro + BEZ jarriz eta parte-hartzaileei "Tratu on bat" poltsak banatuz.
