partekatu
• KULTURA
Leku Guztietan Kultura kanpainako emanaldi berriak
Leku Guztietan Kulturaren barruan ekainean izango diren bi emanaldi aurkeztu dira.
Ramon Ormazabal Aterpeako lehendakariak, Lasarte-Oriako alkate Jesús Zaballosekin batera, ekain honetan Leku Guztietan Kultura kanpainaren barruan gozatu ahalko ditugun bi emanaldiak aurkeztu zituen. Ormazabalek iragarri zuen uztailean ere emanaldi gehiago izango direla, eta haien berri emango dela.
Lehenbizikoa ekainaren 20an izango da, Goikalen, eta han Sin Fronteras taldeak erritmo latinoen eta cumbia folklorikoaren fusioarekin dantzaraziko gaitu.
Bigarren emanaldia ekainaren 21ean izango da, Okendo plazan, eta fantasia errealitatearekin nahasten den mundu batera eramango gaitu, Eriz Magoaren eskutik, haren magia-ikuskizunaren bidez.
Bi emanaldiak 19:00etatik 20:00etara izango dira.
Iturria: Lasarte-Oriako Udala
