partekatu
• SAN PEDRO JAIAK
2025eko San Pedroko musika programazioa aurkeztu da
Parte hartuko duten talde asko Udalak bultzatutako parte-hartze prozesuan jasotako proposamenetatik aukeratu dira.
Lasarte-Oriako Udalak 2025eko San Pedro jaietako musika programazioa aurkeztu zuen atzo. Prentsaurrekoan Agustín Valdivia alkateak eta Txus Alonso Jaietako zinegotziak hartu zuten parte, eta ekainaren 26tik 30era bitartean egingo diren kontzertu eta emanaldi nagusien berri eman zuten.
Nabarmendu zutenez, Udalak 160.000 euro bideratu ditu jaietako aurrekontutik, hau da, jaietako aurrekontu osoaren % 57. “Kaleak bizitzaz, musikaz eta giro onez betetzea nahi dugu, eta horretarako zuzeneko musikaren aldeko apustu garbia egin dugu”, adierazi zuen alkateak.
Programazioaren alderdi baloratuenetako bat parte-hartzea da. Txus Alonsok azaldu zuenez, “kartel musikalaren zati handi batek herritarren iradokizunei erantzuten die, joan den neguan ireki genuen parte-hartze prozesuan jasotakoei, alegia. Jasotako 571 proposamenetatik 231 musika taldeak ziren: estatu mailako 157 eta 74 euskaldunak”.
Kartel anitza eta indartsua
Osteguna 26
- EARTH SONGS “POP REVOLUTION”- Plaza Okendo - 20:00
- KULTO KULTIBO - Plaza Jaizkibel - 23:00
- PURO RELAJO - Plaza Isla - 23:30
Ostirala 27
- HU – HA REMEMBER FESTA - Plaza Andatza - 19:00
- KAI NAKAI - Espacio REM - 20:00
- MECAMELA - Plaza Andatza - 20:00
- MERINA GRIS - Plaza Okendo - 23:00
- IBAI BERRIAK - Plaza Isla - 23:30
- PACO PIL & BRISA PLAY - Plaza Andatza - 23:59
- DUPLA - Plaza Okendo - 00:30
Larunbata 28
- RAFA GARCEL - Plaza Isla - 19:00
- LAS DIVAS - Espacio REM - 20:00
- BOMBAI - Plaza Jaizkibel - 23:30
- KAOTIKO - Plaza Okendo - 23:30
- TSUNAMI - Plaza Isla - 23:59
- URTZ - Plaza Okendo -01:45
Igandea 29
- LA BASU - Plaza Okendo - 23:00
- DUO IMPERIAL - Plaza Isla -23:00
Astelehena 30
LA MIGAS - Plaza Okendo -20:00
Proposamen musikal honekin, Lasarte-Oriak parte-hartzetik eraikitako jai inklusibo, ireki eta eraikien aldeko apustua indartzen du. Egitarau osoa egun batzuk barru kontsultatu ahal izango da Udalaren webgunean eta sare sozialetan.
Argazkia eta informazioa: Lasarte-Oriako Udala
