partekatu
• PARTE-HARTZEA
Terrazen gaineko ordenantza egiteko kontsultak
Lasarte-Oriako Udalak herri-kontsulta baten bidez emango dio terrazen gaineko ordenantza egiteko prozesuari.
Lasarte-Oriako Udalak terrazen ezarpena eta ezaugarriak arautuko dituen ordenantza bat egitea aurreikusten du (Jabari Publikoko eta Erabilera Publikoko Lurzoruak Ostalaritzarako Okupatzea Arautzeko Ordenantza). Administrazio Publikoen Prozedura Administratibo Komunaren 39/2015 Legeak herritarrek lege-mailako arauak eta erregelamenduak egiteko prozeduran parte hartzeari buruzko 133 artikuluan ezartzen duenez, legearen edo erregelamenduaren proiektua edo aurreproiektua egin baino lehen kontsulta publiko bat egin beharko da.
Kontsulta publikoak ostalaritzako jardueretako terrazak ezartzeko baldintzak arautzea du helburu, haien ingurunean bizi direnen atsedenarekin bateragarriak izan daitezen.
Beste gai batzuen artean, egokitzat jotzen da herritarrek kontsulta honetan honako galdera hauei erantzutea, besteak beste:
• Ezartzeko baldintzak.
• Ordutegiak
• Baimena jaso dezaketen terraza-motak
• Terrazak arautzeari buruzko beste edozein proposamen.
Erregelamendu hori tramitatu aurretik, beharrezkoa da herritarrei partaidetza ematea, haiek egin nahi dituzten proposamenak jasoz. Kontsulta publikoa irailaren 26ra arte egongo da zabalik, eta proposamenak Udalari honela bidali ahalko zaizkio::
- Idatziz, Udaleko Erregistroan idatzi bat aurkeztuz.
- Bide telematikoz, e-mail bat helbide honetara bidaliz: partehartzea@lasarte-oria.eus
- Webgunean: http://www.lasarte-oria.eus/eu/partehartzea
Iturria: Lasarte-Oriako Udala
