partekatu
• PARTE-HARTZEA
Udalaren lokalak lagatzeko araudia egin aurretiko kontsulta
Udalak otsailaren 8ra arte irekitzen du Herriko entitate sozialei lokalak lagatzeko araudiaren inguruan proposamenak egiteko epea.
Elkarteak gaur egun elementu giltzarri gisa konfiguratzen dira gizarte partizipatiboagoa eta demokratikoa eraikitzeko prozesuan, eta funtsezko faktore gisa aurrerapen sozialerako. Beharrezkoa gertatzen da gure udalerriko elkarte-sarea osatzen duten entitate eta elkarteen bitartez herritarrek parte hartzea, komunitatearen aberastasun sozial eta kulturala gordetzeko eta aberasteko, eta aldi barean haiek errepresentatzen dituzten gizarte-sektore desberdinetan eragina duten gaiak aztertzea.
Udalaren guneak eta lokalak entitate eta elkarteei uztea funtsezko oinarrietako bat da elkartegintza eta parte-hartzea sustatzeko politikan. Espazio propio bat edukitzeak ikusgaitasuna eta entitatea ematen du, eta, horrez gain, espazio horretan aukera dute bere jarduerak garatzeko, beren estatutuan adierazitako helburuak lortzeko, eta beren kideentzat topaleku bat izateko eta herritar guztientzat erreferentziazko puntu bat izateko.
Beharrezkoa da, beraz, udalek beren jabetzako baliabideak eta ondasunak eskura jartzea elkarte-sarea sortzen eta sustatzen laguntzeko, betiere modu koordinatu batean.
Helburu hori lortzeko, beharrezkoa da erregelamendu bat onestea, udalaren titularitateko lokalak uztea eta erabiltzea arautuko duena. Udalean tramitatu aurretik, beharrezkoa da herritarrei partaidetza ematea, haiek egin nahi dituzten proposamenak jasoz.
Kontsulta publikoa otsailaren 8ra arte egongo da zabalik, eta proposamenak Udalari honela bidali ahalko zaizkio:
- Idatziz, Udaleko Erregistroan idatzi bat aurkeztuz.
- Bide telematikoz, Udalweb orriaren Herritarren Parte-hartzearen atalaren bitartez.
- E-maila bidaliz helbide elektroniko honetara: partehartzea@lasarte-oria.eus.
Iturria: Lasarte-Oriako Udala
